Weight Gainers vs. Whey Protein | Info. in Hindi

Weight Gainers vs. Whey Protein | Info. in Hindi
Weight Gainers vs. Whey Protein | Info. in Hindi

Hello guys welcome to amandeepcreations.com. Guys whey protein supplement aur weight gainer supplements ko useful mana gaya hai weight lifting ke liye aur baaki athletic workouts ke liye inke protein contents ki vajah se. Par in dono supplements ke alag - alag nutritional profiles hai jo inhein upyogi banate hai fitness goals ke liye. 



Differences between Whey Protein and Weight Gainer in terms of different contents :-


Difference in terms of Calorie Count :-

Weight gainers aur whey proteins mein significantly difference hai in terms of calorie content. Weight Gainers ka main kaam hai weight gain karna toh isliye weight gainers high in calorie hote hain. Weight Gainers mein 500 se lekar 2600 calories hoti hai per serving. Aur doosri taraf, Whey protein mein about 120 caloiries hoti hain per serving. 


Difference in terms of Protein Content :-

Whey Protein mein zyada matra mein protein content hota hai than weight gainers. Ek low calorie weight gainer mein 35gram protein hota hai aur ek high calorie weight gainer mein 100 gram protein hota hai. Aur inmein 620 se lekar 1860 tak calories ho sakti hain aur protein sirf 20 se 21 percent hota hai calories ke comparison mein. 

Doosri taraf, whey protein mein typically 120 calories hoti hain aur 24 gram protein hota hai jiska matlab hai ismein poori calories mein 80% calories protein se aati hai. Aur isiliye whey protein lean muscle building ke liye aur bina fat ke muscle building ke liye useful hai.


Difference in terms of Fat Content :-

Fat high in calories hota hai so isiliye fat weight gainer supplements mein hota hai. Weight Gainer Supplement mein 4 gram se lekar 24 gram tak fat ho sakta hai. Fat bhi kuch hadh tak zaroori hai but fat bahut zyada nahi lena chahiye. Whey protein supplement mein typically bahut kam fat hota hai about 1 gram per serving.


Difference in terms of Carbohydrate content :-

Kyunki whey protein ek rich source hai protein ka aur isliye is supplement mein carbohydrate content kam hota hai about 3gram per serving. Weight gainers mein high level mein carbohydrates hote hain kyunki yeh help karte hai calorie badane mein. Ek weight gainer mein near about 58gram se lekar 390 gram tak carbohydrates hote hain per serving. Carbohydrates calories ke saath energy bhi dete hain. Sabhi carbohydrates faydemand nahi hote aapko apni sugar lene ki limit ko control rakhna chahiye aur good carbohydrate hi lene chahiye.


Toh doston yeh they kuch differences between Weight Gainers vs. Whey Protein Supplement. Agli post mein phir bahut jaldi kuch fitness topics ke baare mein baat karenge till than stay fit and stay healthy.

No comments

Powered by Blogger.